Аҡнаҙарҙа -- алтын туй

Хәйбулла районының Аҡнаҙар ауылында йәшәүсе Юныс һәм Флүрә Сәғитовтар алтын туйҙарын билдәләне. Юныс Мөҙәрис улы һәм Флүрә Шәйхетдин ҡыҙы бынан ярты быуат элек ғаилә ҡороп, дүрт балаға ғүмер бүләк иткән. Бөгөн улар бәхетле ҡартатай һәм өләсәй. Улар икеһе лә оҙаҡ йылдар Салауат колхозында эшләгән. Ғаилә башлығы ауыл хужалығы техникаһында, малсылыҡта эшләһә, Флүрә Шәйхетдин ҡыҙы колхозда һауынсы була. Улар бөгөн дә дәтләнеп донъя көтә, мал-тыуар, ҡош-ҡорт тота, балаларына ейән-ейәнсәрҙәрен ҡараша. Юныс Сәғитов сәләмәтлегем мөмкинлеге сикле тип тормай, өй тирәһендәге эштәрҙе башҡара, тормошто ярата.

Бына шундай шәп оло ғаилә йәшәй Аҡнаҙарҙа. Уларға ла, үҙ быуын кешеләренә хас, эшһөйәрлек, илһөйәрлек, ныҡлы ғаилә ҡиммәттәре кеүек күркәм сифаттар баласаҡтан һалынған һәм улар шуның менән бергә парлы ғүмер үтеп, күптәргә үрнәк булып йәшәйҙәр.
Юныс Мөҙәрис улына һәм Флүрә Шәйхетдин ҡыҙына артабанғы ғүмерҙәрендә ныҡлы һаулыҡ, бәрәкәтле тормош, именлек теләйбеҙ!

Автор:Гульдар Кадаева