Темәстәр алғы һыҙыҡтағы яҡташтарға ярҙам ебәргән

Ауыл билмәһе хакимиәте башлығы Айгөл Ғүмәр ҡыҙы Байрамғолова әйтеүенсә, гуманитар ярҙам йыйыуға урындағы эшҡыуарҙар, ерле халыҡ ҙур өлөш индергән. Темәстәр бергәләшеп яуҙағы яҡташтарға тушенка, кейем-һалым, махсус аяҡ кейеме-берцы, тәм-тәм туплаған.

Шулай уҡ күмәкләшеп аҡса йыйып күсмә мунса ла яһағандар. Уның эсен йыуыныу кәрәк-яраҡтары менән тултырғандар. Бынан тыш УАЗ автомобиле лә ебәргәндәр. Уның эсенә иһә эсәр һыу ҡойоу өсөн ҙур һауыт һәм генератор урынлаштырғандар.

Ауыл әүҙемсеһе Иҙел Ситдыҡов ир-егеттәребеҙҙең имен-һау әйләнеп ҡайтыуын теләп ҡорбан салған һәм ауылдаштарын мәсеткә йыйып, аят уҡытҡан.

Ураҙа алдынан темәстәр бик күп изгелек ҡылған.

Ҡылған ғәмәлдәрегеҙ үҙегеҙгә яҡшылыҡ булып әйләнеп ҡайтһын!