+21 °С
Болотло
Быйыл «Мин яратам һине, тормош!» республика фестивале бәләкәй ватан өсөн файҙалы эштәр йылына арналды һәм унда Межгорье, Сибай ҡалаларынан, Әбйәлил, Баймаҡ, Белорет, Бөрйән, Йылайыр, Күгәрсен, Учалы һәм Хәйбулла райондарынан килгән конкурсанттар сығыш яһаны. Дөйөм алғанда был көндө сәхнәлә 500-ҙән ашыу кеше сығыш яһаны.
Фестиваль «көмөш быуын» үҙешмәкәр артистары араһында иң популяр ваҡиғаларҙың береһе генә түгел, иң кәрәклеләре лә булып тора, тип ҡыйыу рәүештә раҫларға мөмкин, сөнки өлкән быуын кешеләренең ижади потенциалын асыуға, уларҙың социаль-әүҙем ролен күтәреүгә хеҙмәт итә. Иң яҡшы концерт номерҙарҙы сентябрь айында Өфөлә үтәсәк республика этабына һайлап алынды.