Демографик хәл шәптән түгел

Сибай ҡалаһының ЗАГС бүлеге быйыл өйләнешеүҙәренә 50,60,70 һәм 75 йыл тулған ғаиләләрҙән ғаризалар ҡабул итеүен дауам итә. ЗАГС-ҡа был һорау менән шишәмбенән алып шәмбегә ҡәҙәр 14.00-17.00 сәғәттәрҙә мөрәжәғәт итергә кәрәк. Кесаҙна – санитар көн. Үҙегеҙ менән никахҡа инеү тураһында танытма, ирле-ҡатындың паспортын, ИНН һәм СНИЛС алырға онотмағыҙ. Юбиляр парҙарҙың яҡындары мөрәжәғәт итһә лә ярай. Ағымдағы йылдың 5 айлыҡ статистикаһы түбәндәгесә:

ғинуарҙан алып майға ҡәҙәр бүлектә граждандар хәле тураһында 906 акт -- 277 бала тыуыуы, 116 никах теркәлеүе, 41 осраҡта атайлыҡты таныу, 24 кеше исем үҙгәртеү, 4 баланың уллыҡҡа (ҡыҙлыҡҡа) алыныуы, 128 парҙың айырылышыуы, 316 үлем осрағы теркәлгән. Дәүләт теркәүе акты факттарын раҫлаған 821 белешмә, 338 икенсе танытма бирелгән. Ҡаланың ЗАГС бүлеге эшмәкәрлеген "Демография" милли проектына ярашлы алып бара.

Демографик хәл шәптән түгел

Автор:Гульдар Кадаева