Тауыштарыбыҙҙы йәлләмәйек!

«Айыҡ ауыл-2022» республика конкурсында ҡатнашыусылар араһында интернет аша тауыш биреү башланды. Һорау алыуҙа республиканың бөтә 54 районынан ауыл биләмәләре ҡатнаша. Йыйылған тауыштар һаны конкурста артабан ҡатнашыу өсөн балдар йыйырға мөмкинлек бирә. 5 апрель 23.59 сәғәтҡә ҡәҙәр тәүлегенә һәр кешегә бер тапҡыр тауыш бирергә мөмкин. Урал аръяғынан был конкурста эре ауылдар араһында көс һынашҡан Баймаҡ районының Иҫке Сибай, Йылайыр районының Юлдыбай ауылдары, уртаса ауылдар менән ярышҡан Хәйбулла районы Әбүбәкер халҡына тауыштар йыйыуҙа ярҙам итәйек! Тауыш биреү «Голос РБ» порталында ойошторола.