Ерҙең даны ирҙән

Донъя тотҡаһы булыуҙан ғына күптән туҡтаны замана ҡатын-ҡыҙҙары. Улар бөгөн тормоштоң бөтә өлкәһендә. Һуңғы бер нисә йыл эсендә ауылдарҙың егәрле, ныҡыш ир-егеттәре ошо мәсьәләгә ныҡлы иғтибар итеп, тормош дилбегәһен үҙ ҡулдарына ала башланы. Бөгөн Урал аръяғы райондарын берләштергән “Ерҙең даны ирҙән” форумының тап "Айыҡ ауыл" республика конкурсында ҡатнашҡан Хәйбулла районының Әбүбәкер ерлегендә уҙғарылыуы осраҡлы түгел- ир абруйы был ауылда ҡоро төшөнсә генә түгел. Әбүбәкерҙең районда иң имен һәм айыҡ ауылдарҙың береһе булыуы ла башлыса ошо ирҙәр тәрбиәһенең көслө булыуына ҡайтып ҡала. Ирҙәр ҡоро булдырылып, быуындар күсәгилешлеген һаҡлап, ҡырмыҫҡа иләүендәй гөрләп йәшәй ауылдың дәртле халҡы. Бөгөнгө осрашыу барышында ауылдың аҫыл ир заттары ҡатнашлығында күркәм сара уҙҙы, йәнле һөйләшеү барышында фәһемле фекерҙәр, тәҡдимдәр яңғыраны.

Ерҙең даны ирҙән