Геройыбыҙ мәңге хәтерҙә

Сибай ҡалаһы йәмәғәтселеге башҡорт халҡының арҙаҡлы улын хөрмәтләп иҫкә алды. Бөгөн легендар 112-се Башҡорт атлы кавалерия дивизияһы командиры, генерал Миңлеғәле Шайморатовтың тыуыуына 123 йыл тула. Ошо уңайҙан «Мәңгелек ут» мемориалында тантаналы митинг үтте. -Башҡортостан Республикаһы Башлығы Радий Фәрит улы, батырҙары булған халыҡ бәхетле, тип бик дөрөҫ әйтә. Генерал Шайморатов кеүек геройҙары булған халыҡ иһә икеләтә бәхетле». Башҡортостан Республикаһы Хөкүмәте генералға үлгәндән һуң булһа ла Рәсәй Геройы исемен юллауына ифрат шатбыҙ. Хәҙерге көндә илебеҙҙә ватансылыҡ тойғоһо алға ҡуйылғанда уның исемен беренсе ирекле Башҡорт мотоуҡсылар батальоны йөрөтөүе оло мәртәбә, - тине үҙенең сығышында Сибай ҡалаһы хакимиәте башлығы Азамат Юлдашбаев.

Геройыбыҙ мәңге хәтерҙә