Һалдаттарға өй һалмаһы

Сибай ҡалаһының “Тиҫтер” клубында Шайморатов штабы эшләп килә. Сибайҙар “Үҙебеҙҙекеләрҙе ташламайбыҙ” девизы аҫтында махсус хәрби операцияла ҡатнашҡан яҡташтарыбыҙға төрлө яҡлап ярҙам итеүҙән туҡтамай. Ошо көндәрҙә штабта ҡатын-ҡыҙҙар алғы һыҙыҡтағы ир-егеттәргә ебәрер өсөн һалма йәйҙе. Уларға ике тоҡ ондо Көньяҡ ҡасабаһында тирмән тотҡан эшҡыуар Илнур алып килгән. Штаб етәкселеге уңған заттарҙы йыйып, һалма, бишбармаҡ ҡырҡтырыуҙы ойошторҙо.

-“Һалдаттарға өй һалмаһы” акцияһына мобилизацияға эләккән яҡташтарыбыҙҙың ҡатындары, туғандары, көмөш ирекмәндәр, “Ғаилә” үҙәге хеҙмәткәрҙәре, донъяла барған хәлдәргә битараф булмаған гүзәл заттар әүҙем ҡушылды, - ти штаб етәксеһе Лена Мөхәмәтова.-Күмәкләшеп тотонғас, эш ырамлы булды: берәүҙәр ҡамыр баҫып торҙо, икенселәр йәйҙе, өсөнсөләр йәймәләр кибеү менән уларҙы һаламлап та, шаҡмаҡлап та ҡырҡыты. Киптереп алғас, бер урынға йыйып, гуманитар ярҙам ебәргәндә ҡумталарға тултырып оҙатасаҡбыҙ.

Изге эш эшләгәндә ҡатын-ҡыҙҙар изге теләктәрен дә теләне: донъяла тиҙерәк тыныслыҡ урынлашһын, ир-егеттәребеҙ имен-һау тыуған яҡтарға әйләнеп ҡайтһын!

Автор:Гульдар Кадаева

Читайте нас:

Новости партнеров

1 ғинуарҙа саҡ үлемдән ҡалған

На уровне молекул

“Ана капиталы” акчасы калган иде