Вәзәмдәр тик ултырмай

Хәйбулла районы Бәләкәй Арыҫланғол ауылының «Серле кейеҙ» төркөмө уңғанбикәләре оҫталыҡ дәрестәре уҙғарыуҙы дауам итә. Был юлы улар һарыҡ йөнөнән ҡатын-ҡыҙҙарға кейеҙ ҡата, ултырғыс түшәге, онтораҡ баҫыу, биҙәк һалыу нескәлектәренә өйрәткән. Күмәк көс башҡарған эш ҡыҙыҡ та, күңелле лә!

Әйткәндәй, вәзәмдәрҙе һәр башланғысҡа әйҙәп йөрөүсе, ауыл тормошоноң уртаһында ҡайнап, үҙ эшенә йәне менән бирелеп эшләгән Гөлназ Ғамир ҡыҙы Суринаның бөгөн тыуған көнө. Уңған ҡатынды ихлас ҡотлайбыҙ! Артабан да шулай ауыл данын күтәреп, Вәзәмдең егәрле халҡын дәртләндереп, бергәләшеп эшләргә насип булһын!

Автор:Гульдар Кадаева