КӨЙРӘТЕҮЕН КҮРЕП КӨЙГӘНДӘ...

Кисә кисләп кенә эштән ҡайтып киләм. Ағастарға ышыҡланып торған күп фатирлы йорт янынан балаларҙың хахылдашып көлөүенә боролоп ҡарау менән 10 йәштәрҙәге ҡыҙҙың «рәхәтләнеп» тәмәке көйрәтеүен шәйләнем. Янында 9-10 йәштәрҙәге өс һәм 7-8 йәштәрҙәге бер малай баҫып тора. Ә ҡыҙ күккә ҡарап, ирендәрен оҫта ғына итеп бүлтәйтеп, һауаға төтөн осора... Йәнәһе, ҡарағыҙ, мин ниндәй «шәп».

Һорау тыуа: ошо балаға кем тәмәке һата? Аҡсаны, ярай инде, ата-әсәһе туңдырмаға йә берәй тәмлекәскә тип биргәндер...

Ә Ижевск, Ҡазан мәктәптәрендә иһә атыш, үлтереш. Ул үҫмерҙәргә кем ҡорал һата? Етмәһә, аҡылға бер төрлөгә...Уйҙар уйылып китмәле.

Фото: pxhere.com