"Кешеләр менән һөйләшергә" ҡушылды

Интернет селтәрен даими күҙәтеп барыусыларға мәғлүм: халыҡ яңы йылды оло ҡәнәғәтһеҙлек менән башланы. Сөнки фатир түләүҙәре, атап әйткәндә йылылыҡ өсөн хаҡ артҡан.Бөгөн Хөкүмәттең оператив кәңәшмәһендә Радий Хәбиров йылылыҡ өсөн түләнгән аҡсаны, әгәр ул нигеҙле ҡаралмаған икән, ҡайтарырға һәм аҙна аҙағына тиклем әлеге хәлде ныҡлы тикшерергә ҡушты. Хөкүмәттең вице-премьерына, Торлаҡ-коммуналь хужалығы министрлығы башлығы Борис Беляевҡа "кешеләр менән һөйләшеү" эше йөкмәтелде.

Интернет селтәрен даими күҙәтеп барыусыларға мәғлүм: халыҡ яңы йылды оло ҡәнәғәтһеҙлек менән башланы. Сөнки фатир түләүҙәре, атап әйткәндә йылылыҡ өсөн хаҡ артҡан.

Бөгөн Хөкүмәттең оператив кәңәшмәһендә Радий Хәбиров йылылыҡ өсөн түләнгән аҡсаны, әгәр ул нигеҙле ҡаралмаған икән, ҡайтарырға һәм аҙна аҙағына тиклем әлеге хәлде ныҡлы тикшерергә ҡушты. Хөкүмәттең вице-премьерына, Торлаҡ-коммуналь хужалығы министрлығы башлығы Борис Беляевҡа "кешеләр менән һөйләшеү" эше йөкмәтелде.

Бына был хаҡта "Башинформ" нимә яҙа:

Башҡортостан Башлығы Радий Хәбиров уға аҙна аҙағына тиклем республикала йылытыу өсөн түләүгә бәйле реаль картинаны күрһәтергә ҡушты.

«Башинформ» хәбәр иткәнсә, республика халҡы БашРТС-тан декабрь айы өсөн килгән йылытыу иҫәп-хисап ҡағыҙҙарына ризаһыҙлыҡ белдерә.

Төрлө баһалар буйынса, түләү 30-70% артҡан. Радий Хәбировтың ҡушыуы буйынса төҙөлгән эшсе төркөмгә тиҙ арала хәлде асыҡлау һәм сумманың дөрөҫлөгөн тикшереү бурысы йөкмәтелгән.

«Халыҡҡа нигеҙһеҙ түләүҙәр күрһәтелгән осраҡта – асыҡларға һәм ошо аҡсаны кире ҡайтарырға. Беҙҙә ундай тәжрибә бар. Әгәр кемгәлер яңылыш иҫәпләнгән икән, аҡса кире ҡайтарылырға тейеш. Йә иһә йортта йәшәүселәр был аҡсаны түләмәгән булһа, түләү ҡағыҙҙарын алмаштырһын, — тип белдерҙе Радий Хәбиров дүшәмбе хөкүмәттәге оператив кәңәшмәлә. — Хәлдең ниндәй булыуы тураһында реаль картинаны күрһәтегеҙ. Мин «БашРТС» менән һөйләштем. «Өфө инженер селтәрҙәре» түләүҙәре буйынса ҡарарға кәрәк. Был шундай ҙур һәм ҡатмарлы проблема. Уға асыҡлыҡ индерергә кәрәк».

https://www.bashinform.ru/news/1544653-glava-bashkirii-poruchil-predstavit-emu-realnuyu-kartinu-po-platezham-za-otoplenie/