Сейә япраҡтарын ҡоймай тороп, күпме ҡар яуһа ла, барыбер иреп бөтә.Ағас япраҡ ҡоймайынса ҡар ятмай.Көҙ көнө ҡоштар түбән осһа - ҡыш һалҡын, юғары осһа - ҡыш йылы килә.Ноябрь - сентябрҙең ейәне, октябрҙең улы, ҡыштың атаһы.8 ноябрҙә ҡар ятһа, яҙ һуң килә.24 ноябрҙә ағастарҙа бәҫ булып, 26 ноябрҙә ерҙе ҡар ҡаплаһа, ныҡлы сана юлы тиҙ генә булмай: епшек көндәр декабргә тиклем һуҙыла һәм көҙгө юл өҙөклөгө һаҡлана.27 ноябрҙә бәҫ булһа - һолоноң уңыуына.28 ноябрҙә яуған ҡар яҙһыҙ иремәй.