Ҡабандар күбәйгән

Әйтергә кәрәк, был ҡыр хайуандары эңерҙә һәм төндә әүҙем.Ҡабандың ҡурҡыныслығы бар – борсоһаң, кешегә ташланыуы мөмкин. Аҙау тештәре 15 санти­метрға етә, шуға һөжүм итһә, иҫән ҡалы­уың икеле. Ҡабандарҙың зыяны ла, файҙаһы ла бар. Баҫыуҙарҙы, бесәнлек ерҙәрен һөрөп, аҡтарып китеп, ҡабандар ныҡ ҡына зыян килтерә. Ә инде тау биттәрен һөрөп, йәш үҫентеләргә файҙа килтерә. Үләнгә төшкән ағас орлоғо шытып сыға алмай, ә ҡабан һөрөп киткән йомшаҡ ерҙә тиҙ үҫеп китә. Тәбиғәтте һаҡлайыҡ! Беҙҙең тыуған Башҡортостаныбыҙҙың тәбиғәте бик хозур, хайуандар донъяһы ла бай. Ошо хазинаны һаҡлап, юлдар аша үткән йәнлектәргә лә юл бирәйек.