ИШМӨХӘМӘТТӘРГӘ —АФАРИН!

Баймаҡ районы башҡорттары ҡоролтайы икен йыл рәттән «Сылтыр шишмә» акцияһы үткәрә. Уға ярашлы ауыл биләмәләрендә шишмә-инештәр таҙалана, уларҙың яны төҙөкләндерелә, тәртипкә килтерелә.

Ишмөхәмәт ауылы ла (халыҡ телендә ҠАРАМАЛЫ) был акциянан ситтә ҡалмай. Һуңғы йылдарҙа ғына бында 9 шишмә кәртәләнгән.

Әйткәндәй, ауыл хакимиәте Башҡортостан Тәбиғәттән файҙаланыу һәм экология министрлығы уҙғарған «Башҡортостан шишмәләре» проектында еңеү яулап, 100 мең һумлыҡ сертификат алған. Әле ошо аҡсаға Карпат ҡоҙоғо төҙөкләндерелә.