Аллы-гөллө сәскәләр биҙәй Йылайыр урамдарын

Йылайыр районы үҙәге Йылайыр ауылы күҙҙең яуын алырлыҡ матур сәскәләргә күмелде. Ошо көндәрҙә бында матур йолаға әйләнә барған “Йылайыр ҡатын-ҡыҙҙары - тыуған ауылдың матурлығы өсөн” акцияһы үтте.

Төрлө ойошма, учреждениела эшләгән ҡатын-ҡыҙҙар үҙәк майҙандағы түтәлдәргә, районға ингән ерҙә петунияның төрлө сорттарын ултыртты. Сарала ҡатнашыусылар был эштәрҙе атҡарып сығыуҙа бағыусылыҡ ярҙамы күрһәткән эшҡыуар Юлиә Сәйфетдиноваға ҙур рәхмәт белгертте.

Фото: Йылайыр район хакимиәте сайтынан.

Автор:Гульдар Кадаева