Бөтә яңылыҡтар
Һаулыҡ һаҡлау
14 Июнь , 11:50

Мәтрүшкә

Мәтрүшкә—киң ҡулла-нылған дарыу үләне. Әммә ул барыһына ла бармай. Һәр нәмәнең файҙаһы булған кеүек,зыяны ла була. Шуға бик һаҡ булырға, сама белергә кәрәк.

Мәтрүшкә һалҡын тейгәндә файҙалы. Тын юлдарын таҙарта, аш эшкәртеү эшмәкәрлеген яҡшырта, үт, һейҙек ҡыуыу үҙенсәлектәренә эйә. Нервыларҙы тынысландыра, йоҡоһоҙлоҡтан дауалай. Был үләндә В1, В2, С, D, A, К витаминдары, эфир майҙары бар. Ауыҙ эсе боҙолғанда ҡулланырға мөмкин.
Ләкин мәтрүшкәне сәләмәт кешегә ҡулланырға ярамай. Ул йөклө ҡатындарға зыянлы, сөнки аналыҡты ҡыҫҡарта, бала төшөү, сабыйҙың ваҡытынан алда тыуыу ҡурҡынысын арттыра. Ир-аттар күп ҡулланһа, енси көсһөҙлөккә килтерә. Балаларға, аллергия менән яфаланыусыларға мәтрүшкә сәйе ярамай.
Мәтрүшкәнән төнәтмә: 1 аш ҡалағы ваҡланған кипкән үләнгә 400 мл ҡайнаған һыу ҡойорға, 30 минут тоторға. Ангина, стоматит булғанда ауыҙ ҡыуышлығын сайҡатырға. Ҡулға ванна эшләргәлә мөмкин.
Мәтрүшкәнән ҡайнатма: 1 аш ҡалағы үләнгә 1 стакан ҡайнар һыу ҡойорға, эмаль кәстрүлдә 30 минут яйлап ҡайнатырға, һөҙөп алып һыуытҡыста һаҡларға. Ҡайнатманы, тамаҡ ашарҙан 30 минут алда, көнөнә өс тапҡыр 30 мл ҡабул итергә.
Дауалау 7 көндән артмаҫҡа тейеш.

 


* Табип менән кәңәшләшергә.

Автор: