БАУЫРЫҢДЫ ТАҘАРТ...

Бауырҙы таҙартыу, артыҡ майҙан ҡотолоу өсөн өс эсемлек тәҡдим ителә

Берәй органыбыҙҙың эшмәкәрлеге боҙолһа, бөтә организм көйһөҙләнә. Бөгөн бауырҙы таҙартыу алымдарын тәҡдим итмәксебеҙ. Бауыр ҡандағы токсиндарҙы ситләштереүгә һәләтле. Әгәр ул үҙ функцияһын үтәмәй икән, организмда ҙур ғына проблемалар тыуа: токсиндар, ҡалдыҡтар йыйыла. Бынан тыш, бауырҙы май ҡаплай, гепатит, цирроз булыуы ла ихтимал.

Бауыр эшмәкәрлеген тергеҙергә мөмкин. Әммә рационығыҙ дөрөҫ түгел икән (спиртлы эсемлектәр, тәм-том, “сәләмәт” булмаған ризыҡтар ҡулланһағыҙ), был процесс бик ҡатмарлы буласаҡ.

Бауырҙы таҙартыу, артыҡ майҙан ҡотолоу өсөн өс эсемлек тәҡдим ителә:

Боланкүҙ сәйе (ромашка сәйе). Уны йоҡлар алдынан эсергә кәрәк. Йоҡоғоҙ ҙа яҡшырыр, йыуан эсәк таҙарыр, бауыр функцияһы яҡшырыр.

Имбирь һәм лимон ҡушылған һыу. Имбирҙең бер киҫәген, лимондың яртыһын алығыҙ. Һыу ҡайнатығыҙ, әлеге ике ингредиентты ҡушығыҙ ҙа биш минут тағы ҡайнатығыҙ. Һыуынғас эсегеҙ. Ике аҙна дауамында һәр кис бер каса әлеге һыуҙы эсегеҙ.

Һоло . Уның өҫтөнә һыу ҡойоп, ете сәғәткә ебетергә ҡуйып тороғоҙ. Артабан һөҙөп алып, блендерҙа әлеге һолоға бер аш ҡалағы дәрсен (корица) һәм бер стакан һыу ҡушып болғатығыҙ. Эсемлек йылы булырға тейеш. Көн һайын кис эсегеҙ. Ул һеҙҙең аҙыҡ эшкәртеү системаһын яҡшыртыр. Уны ике аҙна барышында эсергә тәҡдим итәләр, әгәр кире тәьҫире булмаһа, ваҡытты бер аҙ һуҙырға мөмкин.

Ошо өс эсемлектең береһен булһа ла ҡулланығыҙ, организмда үҙгәреш һиҙерһегеҙ.

Табип менән кәңәшләшергә онотма.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?