АТАЙСАЛ
+12 °С
Болотло
Антитеррор
Бөтә яңылыҡтар
Ҡала тормошо
16 Ноябрь 2022, 12:50

Идаралыҡ техникаһы ҡышты имен сығырға әҙер

Сибай ҡалаһының юлдарҙы ремонтлау-төҙөлөш идаралығы биләмәһендә ҡар көрәү һәм тейеп түгеү техникаһының ҡышҡа әҙерлеге тикшерелде. Ҡала хакимиәте башлығы Азамат Юлдашбаев һәр транспорттың торошон ҡараны, техник төҙөклөгө, ҡеүәте менән ҡыҙыҡһынды. --Идаралыҡтың ҡышты имен сығыу өсөн техникаһы етерлек. Белгестәр ярҙамында боҙоҡтарын йүнәттек. Тайғаҡ мәлдә ҡала урамдарына һибер өсөн 400 тонна шлау әҙерләнек. Ҡарлы миҙгелдә 4 берәмек грейдер, 3 берәмек МТЗ тракторы, 3 берәмек КамАз автомобиле, 3 берәмек ҡар тейәгес тулы ҡеүәтенә эшләргә әҙер,--тине юл ремонт-төҙөлөш идараһы директоры Ғәлийән Ураҡов.-Кәрәкле транспорт күп, мөмкинлек була ҡалһа, техника паркын яңыртыу өҫтөндә етди эшләйәсәкбеҙ.

Ғәлийән Ғәле улы билдәләүенсә, ҡыш көнө тәүлек әйләнәһенә ҡар эттереү өсөн тағы 2 грейдерсы, ҡаршы сығарып түгеүсе техникаға 3 траторист талап ителә.

Граждандар һағы оборонаһы идаралығы, дәүләт техник күҙәтеүе, юл хәрәкәте хәүефһеҙлеге дәүләт инспекцияһы хеҙмәткәрҙәре лә техника торошон, экипаждың комплектацияһы теүәллеген, авария-диспетчер хеҙмәте эшен ентекле тикшерҙе. Сара һуңында комиссия ағзалары, башлыҡ сибайҙарҙың һалҡын миҙгелгә, ҡар-бурандарға әҙер булыуын белдерҙе. 

Автор:Гульдар Кадаева