Иң яҡшы унау иҫәнбендәләр

Сибай ҡалаһының муниципаль тарихи келәте республиканың иң яҡшы 10 архивтарының береһе булараҡ дан тота. Бүлек белгестәре эштәрендә информацион технологиялар ҡулланып тарихты ентекле өйрәнә, ҡалабыҙҙың үткәне тураһында уникаль документтар йыя, төбәк үҫешенә тос өлөш индергән кешеләр хаҡында мәғлүмәт туплай. Һүрәттә: Сибай ҡала хакимиәтенең архив бүлеге начальнигы Нилә Зәйнуллина, әйҙәүсе белгес Ксения Вәлиәхмәтова, архивариус Гөлнур Тулыбаева.

Сибай ҡала дәүләт архивында 36 385 яҙма һаҡлана. Был һандар эсенә ҡала учреждениелары, ойошмалары, предприятиеларының, шулай уҡ фотодокументтар һәм фәнни-техник документтар инә. Уларҙа төбәк өсөн әһәмиәтле бөтә яҙмалар ҙа һаҡлана.

Иң үҙенсәлеклеләренә килгәндә "Башпотребсоюз"дың Сибай район-ара тресының приказдар китабы. Ул 1934 йылда башланған. Шулай уҡ 1955 йылдан алып барылған идаралыҡ эштәре лә ҡыҙыҡлы яҙмаларға бай.

Ҡала архивының иң төп йүнәлештәренең береһе – граждандарҙың үтенесен ҡәнәғәтләндереү. Бында урындағы үҙидаралыҡ органдары вәкилдәре, учреждениелар етәкселәре, эшҡыуарҙар, студенттар, тыуған яҡты өйрәнеүселәр, уҡыусылар мөрәжәғәт итә. Шулай уҡ таусылар төйәгенең тарихи үткәндәре менән ҡыҙыҡһыныусылар ҙа күп.

Сибай архивсылары ҡалабыҙҙың мираҫын һаҡлап ҡына ҡалмай, төйәгебеҙ тураһындағы мәғлүмәтте һәр кем ҡуллана алырлыҡ итә.

Фото "Сибайский рабочий" гәзитенән.

Автор:Гульдар Кадаева