Ялға ҡайтты яугирҙәр

Сибай ҡалаһы хакимиәте башлығы Азамат Юлдашбаев алғы һыҙыҡтан ялға ҡайтҡан бер төркөм ир-егеттәр менән осрашты. Яҡташтарыбыҙ яу яланындағы йәшәү шарттары, хәрби бәрелештәр, туғанлыҡ, гуманитар ярҙам, хаттар алыуҙары хаҡында һөйләне.

Ир-ететтәр ғаиләһен, яҡындарын, туғандарын һағынып ҡайтҡан. Барыһының да тормошҡа ҡараштары үҙгәргән. Улар үҙҙәрен ысын яугирҙәрсә тота: күп һөйләмәй, патриотик тәрбиәгә баҫым яһарға кәрәклекте алғы планға ҡуя. Ике аҙнанан улар кире юлға сыға. -Яҡындарыбыҙҙан айырылып китеү рәхәт булмаҫ, шулай ҙа был юлы беҙ ҡайҙа барырыбыҙҙы, нимә эшләребеҙҙе белгәс, ҡаңғырыҡ, паника булмаҫ, тип уйлайбыҙ, - тип белдерҙе ир-егеттәр.

Автор:ГУЛЬДАР КАДАЕВА