Бер ҡатын келәт йыйыштырып йөрөгән дә, сәйер генә шешә күреп ҡалған. Ирен саҡырып алған да:
- Был ни ғәләмәт. Шешәнең тышына сәйер хәрефтәр менән “Асмағыҙ!” тип яҙылған. Ҡыҙыҡ та инде, әйҙә асайыҡ, -ти икән.
Асып ебәрһәләр... буран сығып киткән дә, ҙуур бер әҙәм пәйҙә булған.
- Нисәмә быуат буйына ошо шешәлә йәшәйем. Тотҡонлоҡтан азат иткәнегеҙ өсөн рәхмәт. Икегеҙҙең дә берәр теләген үтәргә ризамын, -тигән.
- Ирем менән ғүмер буйы бер ҡайҙа сыҡмай йәшәнек. Балалар үҫтерҙек. Инде ял итергә лә ваҡыттыр. Беҙгә донъя буйлап сәйәхәт итеү мөмкинлеге бирһәңсе?-тигән ҡатын. Шунда уҡ уның ҡулында билеттар барлыҡҡа килгән.
Ә ир эре генә төкөрөкләп мыйығын борғолап торған да:
- Ҡатын, ғәфү ит инде. Ғүмер буйы иңгә-иң терәшеп йәшәнек, дөрөҫ. Но... ялҡыттың мине. Миңә ун йәшкә кесерәк кәләш кәрәк ине.
-Һеҙҙең теләкте лә үтәйем. Рәхим итегеҙ!- тигән дә тылсымсы, ирҙе ун йәшкә өлкәнәйтеп ҡуйған ти.
Бына шулай, теләктәрегеҙҙе төптән уйлап теләгеҙ! Тылсымсылар килеп сыҡһа, тишек кәмәлә ултырып ҡалмағыҙ.