Мин ни өсөн һайлауға барам?

Баймаҡ районы Хәсән ауылынан Байғужин Хәйҙәр Шәрифйән улы: —Илемдең бөгөнгөһөнә һәм киләсәгенә битараф түгелмен. Шуға ла яуаплы саранан бер ваҡытта ситтә ҡалмайым. Һайларға хоҡуғыбыҙ бар икән, уны мотлаҡ ҡулланырға кәрәк. “Атайсал” гәзите аша милләттәштәремде лә үҙҙәренең гражданлыҡ бурысына намыҫ менән ҡарарға һәм тауыш бирергә саҡырам. Гәзиткә килгәндә, уны тоғро дуҫымдай күрәм. Гәзит аша күп мәсьәләләрҙе хәл итергә була. Был юлы ла мөрәжәғәтемә бик тиҙ яуап бирҙеләр, хатта етеп килгән Ололар көнөнә гәзит яҙҙыртып та ҡыуандырҙылар. Рәхмәт, изгелегегеҙ үҙегеҙгә урап ҡайтһын!