Мин ни өсөн һайлауға барам?

Айгөл Рәсембәтова, Хәйбулла районы 2-се һанлы Аҡъяр урта мәктәбенең өлкән вожатыйы:—Һәр ваҡыт һайлауҙарҙа ҡатнашам һәм тауышымды бирәм.Быйыл да республикабыҙ Башлығын һайларға мотлаҡ барасаҡмын. Сөнки был—минең хоҡуғым. Был хоҡуҡты беҙҙән бер кем дә тартып ала алмай. Әгәр ҙә тауыш биреүҙән баш тартабыҙ икән, үҙебеҙгә генә үпкәләргә ҡала. Иленең киләсәге өсөн борсолмаған кеше генә һайлауҙарҙа тауыш биреүҙән баш тарталыр ул.Тыуған иленең киләсәге өсөн янып йәшәрҙәй балалар тәрбиәләйек. Уларға өлгө күрһәтеп, һайлауға мотлаҡ барайыҡ.