АТАЙСАЛ
+24 °С
Болотло
Антитеррор
Бөтә яңылыҡтар
Ғәҙәттән тыш хәл
10 Март 2023, 16:55

Уттың ялы юҡ

Быйылғы йылдың ике айында республикала 880 янғын осрағы теркәлгән, уларҙа 59 кеше һәләк булған. Сибайҙа был осорҙа 12 янғын сыҡҡан, былтырғы ошо осор менән сағыштырғанда был һан 20 процентҡа кәм. Ут сығыуҙың сәбәптәре һәр ваҡыттағыса бер үк: янғын һағы хәүефһеҙлеге ҡағиҙәләрен тупаҫ боҙоу, ут менән һаҡһыҙ эш итеү, төҙөк булмаған электр ҡорамалдары ҡулланыу. Янғынды профилактикалау маҡсатында ҡалала даими рәүештә рейдтар уҙғарыла.

Уттың ялы юҡ
Уттың ялы юҡ

Март айы яҙ башы булһа ла ҡыш үҙенекен итә һәм тиҙ генә китергә уйламай. Көндөҙ ҡар иреһә төндә ныҡ һалҡынайта. Шуға ла күптәр төнгөгә йылытыусы электр приборҙарын ҡулланыуҙы дауам итә.

Әммә төҙөк булмаған электр ҡоролмалы торлаҡта янғын сығыуға килтерә. Тоҡанған ут артабан тирә-яҡты ялмап алмаһын өсөн янғынды киҫәтеүсе извещателдәр ҡуйыу зарур. Ҡоролма төтөн сыға башлыу менән үк сигнал бирә һәм йорттағыларҙы һәләкәттән ҡотҡарып алып ҡалыуға булышлыҡ итә.

Ҡала буйлап ойошторолған рейдта ғәҙәттән тыш хәлдәр дәүләт комитеты, полиция, граждандар һағы идаралығы, һәм башҡа социаль хеҙмәттәр вәкилдәре сыға. Улар аҙ тәьмин ителгән һәм ауыр тормош хәлендә йәшәгән ғаиләләрҙең торлаҡтарын тикшерә. Шулай уҡ яңғыҙ көн итеүсе оло йәштәгеләрҙең, һуғыш осоро балаларының да хәлен беләләр. Был категорияға ингәндәргә янғын һағы извещателдәре бушлай таратыла. 

Рейд барышында 5 кешенең йортона янғын һағы извещателе урынлаштырылды. Сөнки был бәләкәй генә ҡоролма ҙур бәләнән ҡотҡара. Ваҡытында тауыш биреп һәләкәттән һайҡлауға һәләтле. Дөйөм алғанда бындай ҡоролма һәр йортта урын алырға тейеш. Уттан һаҡланыу бер кемгә лә ҡамасауламай.

 

Автор:Гульдар Кадаева